Стала вядома, якім будзе надвор'е на тыдні

Заўтра будзе да +3 градусаў.

20 лістапада надвор'е Беларусі будзе вызначаць вобласць павышанага атмасфернага ціску, сфармаваная ў вільготнай паветранай масе, паведамляе Гідрамет.

Чакаецца воблачна з прасвятленнямі. Уначы месцамі невялікія ападкі (у асноўным снег, мокры снег), удзень без істотных ападкаў. На асобных адцінках дарог галалёдзіца. Вецер паўночна-заходні слабы да сярэдняга. Тэмпература паветра цягам дня -3..+3°С. Атмасферны ціск істотна не зменіцца.

21-22 лістапада надвор'е ў асноўным будзе вызначаць вобласць павышанага атмасфернага ціску, толькі ўранку і ўдзень 21 лістапада на поўначы рэспублікі адаб'ецца ўплыў франтальнага падзелу.

21 лістапада пераважна без ападкаў, толькі ўранку і ўдзень месцамі ў Віцебскай вобласці магчымыя невялікія кароткачасовыя ападкі, у асноўным мокры снег. На асобных адцінках дарог галалёдзіца. Вецер няўстойлівы слабы. Тэмпература паветра мінімальная ўначы -3..-9°С, пры прасвятленях -10..-12°С, максімальная - удзень -3..+3°С.

22 лістапада без істотных ападкаў. Месцамі слабыя туман і галалёд. На асобных адрэзках дарог галалёдзіца. Вецер няўстойлівы слабы. Тэмпература паветра мінімальная ўначы -3..-9°С, пры прасвятленнях -10..-12°С, максімальная ўдзень -3..+2°С.