19 траўня 2019, Нядзеля, 20:43
За нашу і вашу свабоду!
Рубрыкі

ЗША прапанавалі перадаць Украіне фрэгаты Oliver Perry

5

Прапановы прапрацоўваюцца Кіевам.

Камандуючы ВМС Украіны адмірал Ігар Варончанка пацвердзіў, што ўкраінскі бок атрымаў прапанову ад ЗША перадаць два фрэгаты тыпу Oliver Hazard Perry. Пра гэта паведамляе ўкраінскі «5 канал».

«Сапраўды, мы атрымалі прапанову пра перадачу двух адзінак фрэгатаў тыпу Oliver Perry», - сказаў Варончанка. Ён дадаў, што гэтыя караблі былі выведзеныя са складу амерыканскіх ВМС у 2013-2015 гадах.

Са слоў Варончанкі, гэтыя прапановы прапрацоўваюцца Кіевам. Між іншым, вывучаецца тое, як Украіна будзе прымаць караблі і ў якім стане, а таксама іх кошт, дадаў ён.

У кастрычніку «Украінскі мілітарысцкі партал» пісаў, што ЗША прапанавалі ВСУ вайскова-тэхнічную дапамогу, у тым ліку перадаць фрэгаты тыпу Oliver Hazard Perry. Адпаведную прапанову, паводле звестак выдання, Вашынгтон накіраваў Міністэрству абароны Украіны праз вайсковага аташэ амбасады ў Кіеве.

У канцы верасня стала вядома, што берагавая ахова ЗША перадасць Украіне спісаныя катэры USCGC Cushing і USCGC Drummond. Абодва караблі былі прынятыя на ўзбраенне ў 1988 годзе. 27 верасня караблі былі перададзеныя ўкраінскаму боку на вайскова-марской базе ў Балтыморы.