Для беларусаў рыхтуюць 100%-ю аплату яшчэ аднаго тыпу паслуг

Колькі цяпер кампенсуе насельніцтва?

У Беларусі маюць намер да 2020 года выйсці на 100% узровень кампенсацыі выдаткаў на выкананне паслуг паштовай сувязі, паведамляе tut.by.

Магчымыя змены тычацца паштовых паслуг агульнага карыстання, тарыфы на якія рэгулююцца ўладамі. Гэта прадугледжана «антыінфляцыйнай праграмай». У МАРГ распавялі, колькі цяпер беларусы кампенсуюць за паштовыя паслугі.

Да паштовых паслуг агульнага карыстання, тарыфы на якія рэгулююцца ўладамі, належыць перасылка ўнутраных простых адпраўленняў пісьмовай карэспандэнцыі - паштовак, лістоў, бандэроляў.

- Узровень кампенсацыі выдаткаў РУП «Белпошта» за 6 месяцаў гэтага года на перасылку простых унутраных адпраўленняў пісьмовай карэспандэнцыі склаў 92,1%, - паведамілі ў МАРГ.

Да простых паштовых адпраўленнях належаць тыя, якія прымаюцца без выдачы квітанцыі і дастаўляюцца адрасатам без распіскі. Гэта лісты, паштоўкі, бандэролі, дробныя пакеты.

Перасылка простага ліста масай да 20 грам або простай бандэролі масай да 20 грамаў, да прыкладу, цяпер каштуе 42 капейкі, простага дробнага пакета масай да 20 грам - 54 капейкі.

Нагадаем, што згодна з дэкрэтам Лукашэнкі №1 грамадзяне Беларусі, прызнаныя «дармаедамі», будуць аплачваць 100% паслуг ЖКГ.