Юнкер і Мэй у Брусэлі абмяркуюць апошнія дэталі пагаднення аб Brexit
- 20.11.2018, 17:06
- 5,870
Перамовы адбудуцца за некалькі дзён да спецыяльнага саміту ЕЗ.
Прэм'ер-міністр Вялікай Брытаніі Тэрэза Мэй наведае Брусэль у сераду, 21 лістапада, каб фіналізаваць дэталі пагаднення аб выхадзе з ЕЗ з прэзідэнтам Еўрапейскай камісіі Жанам-Клодам Юнкерам.
Пра гэта паведамляе «Европейская правда» cа спасылкай на EUobserver.
Перамовы Мэй з Юнкерам адбудуцца за некалькі дзён да спецыяльнага саміту ЕЗ, які адбудзецца 25 лістапада, і на якім лідары 27 краін павінны зацвердзіць пагадненне з Брытаніяй.
19 лістапада праект пагаднення быў падтрыманы на ўзроўні міністраў ЕЗ.
Праект пагаднення паміж Лонданам і Брусэлем, які налічвае 585 старонак, быў абнародаваны на мінулым тыдні і выклікаў нямала крытыкі ў адрас брытанскага ўрада.