Уладзімір Журавель шэсць разоў станавіўся чэмпіёнам Беларусі ў якасці гульца і пяць разоў быў срэбным прызёрам як галоўны трэнер.
У Менску прайшла паніхіда па былым футбалісту нацыянальнай каманды Беларусі Уладзіміру Жураўлю, які памёр ва ўзросце 47 гадоў пасля цяжкай хваробы, перадае tut.by.
На паніхіду ў канцэртную залу «Менск» прыйшлі шматлікія футбалісты, з якімі ён працаваў у якасці галоўнага трэнера салігорскага і карагандзінскага «Шахцёра», менскага і берасцейскага «Дынама», «Гомеля», «Тарпеда-БелАЗ».
Нагадаем, што Журавель шэсць разоў станавіўся чэмпіёнам Беларусі ў якасці гульца і пяць разоў быў срэбным прызёрам як галоўны трэнер. У 2017 годзе ён прывёў берасцейскае «Дынама» да перамогі ў Кубку Беларусі.