Апытанне: 86% беларусаў ганарацца сваёй мовай, Беларуссю і гатовыя змагацца за краіну ў выпадку вайны
12- 20.11.2018, 19:08
- 16,344
Сацыялагічнае апытанне было прысвечанае каштоўнасцям і поглядам беларусаў.
У рамках праекта «Развіццё «Кастрычніцкага эканамічнага форуму» было праведзенае сацыялагічнае апытанне, прысвечанае каштоўнасцям і поглядам беларусаў. У ім узялі ўдзел блізу тысячы чалавек - такая традыцыйная выбарка для Беларусі.
Даследаванне было праведзенае кампаніяй MIA Research у траўні-чэрвені 2018 года.
Частка апытання тычылася беларускай мовы. Амаль 66% рэспандэнтаў хочуць, каб іх дзеці ведалі беларускую мову гэтак жа добра, як і расейскую мову (адпаведна, 34% - не хочуць).
Вартая ўвагі прапорцыя 86% да 14%, яна сустракаецца ў адказах адразу на тры пытанні.
86% апытаных уважаюць, што «беларуская мова - найважнейшая частка культуры і павінна захавацца». Столькі ж чалавек кажуць, што ганарацца Беларуссю. І столькі ж гатовыя змагацца за сваю краіну ў выпадку вайны.
Праўда, толькі 2,2% размаўляюць дома па-беларуску. Яшчэ блізу 22% - ці на дзвюх мовах або на іх сумесі, а большасць - 73% - размаўляюць па-расейску.
Праблемамі сучаснай Беларусі большасць назвала рост коштаў, нізкі ўзровень даходаў, алкагалізм, беспрацоўе, высокія кошты на жыллё і паслугі ЖКГ.
Характэрна: каб стаць багатым у Беларусі, як мяркуюць апытаныя, трэба мець не толькі розум або працавітасць, але і патрэбныя сувязі.
Палова апытаных за апошнія тры гады ні разу не была за мяжой.