На рынку нафты адбыўся рэзкі абвал коштаў
13- 20.11.2018, 19:46
- 36,572
Кошты нафты ўпалі да васьмімесячнага мінімуму.
Кошты нафты маркі Brent на Лонданскай біржы аднавілі падзенне пасля чатырох дзён умеранага росту. У аўторак, 20 лістапада, кошт барэля Brent абрынуўся адразу на 5,4%, з $67 да $63,39. За некалькі гадзін кошт знізіўся больш чым на $3, разгубіўшы ўвесь прырост за папярэднія чатыры гандлёвыя дні, паведамляе РБК.
На піку падзення кошт барэля Brent дасягнуў васьмімесячнага мінімуму - у папярэдні раз ніжэй за адзнаку $64 ён апускаўся 9 сакавіка 2018 года, а ніжэй за $63,39 - 2 сакавіка.
Хуткімі тэмпамі таннее 20 лістапада і амерыканская нафта маркі WTI. Таргі ёй адкрыліся ў аўторак у чырвонай зоне, а на мінімуме кошт барэля апусціўся да $53,66, што на 6,2%, або $3,54, ніжэй за ўзровень закрыцця папярэдніх таргоў. Апошнім разам ніжэй за гэтую адзнаку кошт WTI апускаўся больш за год таму, у кастрычніку 2017 года.