У Еўразвязе створаць сумесную школу выведкі

Сумесная школа выведкі ЕЗ будзе супрацоўнічаць з NATO.

У Радзе ЕЗ зацвердзілі пастанову аб стварэнні ўласнай школы выведкі. Інфармацыя пра гэта размешчаная ў абноўленым спісе праектаў, якія будуць ажыццяўляцца ў рамках пастаяннага структурнага супрацоўніцтва (PESCO), паведамляе liga.net.

Сумесная школа выведкі ЕЗ будзе супрацоўнічаць са службамі бяспекі і разведкі краінамі-сябрамі ЕЗ і Аб'яднаным цэнтрам перадавых тэхналогій з кіберабароны NATO.

19 лістапада краіны Еўразвязу дамовіліся аб пашырэнні пастаяннага супрацоўніцтва ў абароннай і вайсковай сферы. Міністры абароны і замежных спраў краін-сябраў ЕЗ ухвалілі выкананне 17 праектаў у рамках PESCO. Гаворка ідзе пра распрацоўку новых сістэм ўзбраення і стварэнне навучальнай установы для павышэння кваліфікацыі спецслужбаў.

Пастаяннае структурнае супрацоўніцтва было пачатае ў лістападзе 2017 года, да яго далучыліся 23 краіны Еўразвязу. Праект не падтрымалі Данія, Ірландыя, Мальта, Партугалія і Вялікабрытанія, якая мае намер выйсці са складу Еўразвязу ў сакавіку 2019 года.

6 лістапада прэзідэнт Францыі Эмануэль Макрон заявіў, што Еўропа павінна быць здольная абараніць сябе ад Расеі самастойна, без дапамогі ЗША, і для гэтага патрэбна адзінае еўрапейскае войска. Канцлерка Нямеччыны Ангела Мэркель падтрымала ідэю стварэння еўрапейскага войска.