Афіцыйна: Крымскі мост пачаў прасядаць
19- 21.11.2018, 8:19
- 40,940
Крытычных адцінкаў, дзе адбываецца зрушэнне, некалькі.
Пабудаваны Расеяй Керчанскі мост ссоўваецца і гэта пагражае абрынаннем канструкцыі.
Пра гэта паведамляецца на старонцы ў Facebook украінскага Міністэрства ў пытаннях часова акупаваных тэрыторый. Да гэтай высновы прыйшлі спецыялісты пасля аналізу вынікаў касмічнай здымкі Крыма і выспы Тузла.
Крытычных адцінкаў, дзе адбываецца зрушэнне, некалькі.
«1. У раёне штучнага насыпу з боку Крымскай паўвыспы адзначаюцца аб'екты з вертыкальнымі зрушэннямі з хуткасцю ад 89 міліметраў (прасяданне) да 52 міліметраў на год (узняцце) (графік у сіняй рамцы).
2.У цэнтральнай частцы моста адзначаецца падвышэнне аркі чыгуначных рэек з хуткасцю да 30 міліметраў на год. Аўтамабільная арка аднак прасядае з хуткасцю да 32 міліметраў на год (графік у чырвонай рамцы)», - сказана ў паведамленні.
Два небяспечныя адцінкі - на тэрыторыі Тузлы.
«Першы - частка касы прасядае з хуткасцю ад 10 да 90 міліметраў на год (графік у сіняй рамцы).
Другі - аб'екты побач з адцінкам моста асядае з хуткасцю да 83 міліметраў на год (графік у чырвонай рамцы)», - адзначылі ў МінЧАТ.
Акрамя таго, паведамляецца, што аркі Керчанскага моста ссоўваюцца вертыкальна, што, на думку спецыялістаў, кажа пра тое, што нестабільнае марское дно ў месцах, дзе пастаўленыя апоры канструкцыі. Яны негатыўна ўплываюць на акваторыю Чорнага мора. Відавочная пагроза для жыцця і здароўя людзей.
«Складаныя варункі надвор'я асабліва ў зімовы перыяд у сейсмічна нестабільным раёне могуць узмацніць дэстабілізацыйныя чыннікі ўплыву на ўстойлівасць Керчанскага моста», - рэзюмуюць у міністэрстве.