25 чэрвеня 2019, aўторак, 5:41
Мы ў адной лодцы
Рубрыкі

Дэпутат Дзярждумы РФ заклікаў прыняць захады супраць Канта

21
ПОМНІК ІМАНУІЛУ КАНТУ Ў КАЛІНІНГРАДЗЕ

Нямецкі філосаф нібыта «абражае» расейскіх ветэранаў.

Дэпутат Дзярждумы ад Татарстана Марат Барыеў заклікаў грамадзянскую супольнасць "прыняць захады" супраць прысваення аэрапорту ў Калінінградзе імя нямецкага філосафа Імануіла Канта. На ягоную думку, гэта абражае ветэранаў Вялікай Айчыннай вайны, паведамляе "Радыё Свабода".

Барыеў паведаміў, што ўстурбаваныя сітуацыяй ветэраны звярнуліся да яго асабіста. "Яны мяркуюць, што гэта няправільна, непатрыятычна, гэта скандал. Я цалкам з імі згодны", - заявіў дэпутат, дадаўшы, што "сітуацыю трэба выпраўляць" і што ён ужо абмеркаваў гэтае пытанне з дэпутатамі ад Калінінградскай вобласці.

Родапачынальнік нямецкай класічнай філасофіі Імануіл Кант нарадзіўся і памёр у Кёнігсбергу, цяперашнім Калінінградзе, калі горад быў яшчэ адміністрацыйным цэнтрам Усходняй Прусіі. У кастрычніку 1945 года, пасля заканчэння Другой сусветнай вайны, ён быў перададзены пад юрысдыкцыю Савецкага Саюза.

Імя Імануіла Канта з вялікім адрывам у лідарах конкурсу назваў для расейскіх аэрапортаў "Вялікія імёны Расеі". Акрамя філосафа ў шорт-ліст імёнаў для калінінградскага аэрапорта Храбрава ўвайшлі імператрыца Лізавета Пятроўна і савецкія палкаводцы Аляксандр Васілеўскі і Іван Чарняхоўскі.

За Канта на сёння аддадзена больш за 14 тысяч галасоў. У найбліжэйшай ягонай спаборніцы, Лізаветы - больш за 10 тысяч. Дэпутат Барыеў выступае ў падтрымку Васілеўскага, якога ён назваў "легендарным палкаводцам, якія вызвалілі Кёнігсберг ад нацыстаў", але ў таго на сёння няма і сямі тысяч галасоў.

Раней журы конкурсу "Вялікія імёны Расеі" выключыла з шорт-ліста прэтэндэнтаў на назву для омскага аэрапорта імя заснавальніка панк-рок гурта "Грамадзянская абарона" Ягора Летава, які быў і лідарах на першым этапе. Міністр культуры Расеі Уладзімір Мядзінскі назваў прыхільнікаў Летава "вузкай", "маргінальнай", але "выключна актыўнай" аўдыторыяй, а іх ініцыятыву - "дурным хайпам". Да гэтага ён, кажучы пра магчымасць назваць у гонар лідара "Грамадзянскай абароны" аэрапорт у Омску, заявіў, што "прысвойваць аб'екту імёны жывых людзей - благі тон". Ягор Летаў памёр 19 лютага 2008 года.

Між тым на сайце "Расейскай грамадскай ініцыятывы" размешчаная петыцыя з патрабаваннем вярнуць імя Летава ў спіс фіналістаў. На сёння яе падпісалі больш за 15 тысяч чалавек.