РБК: Выконваючым абавязкі кіраўніка ГРУ прызначаны Ігар Касцюкоў

Касцюкоў выконваў абавязкі ўжо падчас хваробы Корабава.

Выконваючым абавязкі начальніка Галоўнай управы (ГУ) Генеральнага штаба прызначаны віцэ-адмірал Ігар Касцюкоў, распавялі РБК тры крыніцы, блізкія да Міністэрства абароны. Ён займаў пасаду першага намесніка памерлага напярэдадні начальніка ГУ Генштаба Ігара Корабава.

«Касцюкоў выконваў абавязак на падставе загаду міністра абароны ўжо падчас хваробы Корабава. Пытанне аб прызначэнні яго пераемнікам Корабава сваім указам вызначыць прэзідэнт», - распавёў суразмоўца, блізкі да кіраўніцтва Генштаба.

Іншая блізкая да цэнтральнага апарату Мінабароны крыніца пацвердзіла гэта і паведаміла, што Касцюкоў уважаецца за найбольш магчымага кандыдата на пасаду кіраўніка структуры.

Яшчэ адзін суразмоўца, блізкі да кіраўніцтва вайсковай установы, паказаў, што Касцюкоў прадстаўляў ГУ на ўрачыстым мерапрыемстве, прысвечаным 100-годдзю ўтварэння Галоўнай выведуправы Генеральнага штаба Узброеных сіл Расеі, на якім Уладзімір Пуцін прапанаваў вярнуць вайсковай выведцы назву ГРУ.