ЦРУ перахапіла званок з загадам прымусіць замаўчаць Хашкаджы

Два чыноўнікі з Савудаўскай Арабіі абмяркоўвалі загад наследнага прынца.

Цэнтральная разведвальная ўправа ЗША (ЦРУ) перахапіла тэлефонную размову, з якойвынікае, што наследны прынц Савудаўскай Арабіі Мухамед бен Салман аддаў загад прымусіць Джамаля Хашкаджы замаўчаць. Пра гэта паведамляе турэцкае выданне Hurriet Daily News, піша РБК.

Спасылаючыся на неназваныя крыніцы, аглядальнік Абдулкадзір Селві піша, што дзве савудаўскія афіцыйныя асобы абмяркоўвалі, што публічная крытыка каралеўскай сям'і Эр-Рыяда з боку журналіста выклікае дыскамфорт.

«Кажуць, што наследны прынц даў загад як мага хутчэй прымусіць замаўчаць Джамаля Хашкаджы, і гэтая інструкцыя была перахопленая ЦРУ з дапамогай праслухоўвання. Забойства з'яўляецца канчатковым пацвярджэннем таго, што такая інструкцыя была», - робіць выснову Сэлві. Калумніст выдання таксама мяркуе, што расследаванне забойства з прыцягненнем міжнародных сіл «можа выявіць больш довадаў, бо ЦРУ мае значна большую колькасць перахопленых тэлефонных размоў, якія вядомыя публіцы».

Раней аб тым, што ЦРУ уважае за заказчыкам забойства Джамаля Хашкаджы наследнага прынца Мухамеда бэн Салман Аль Сауда, са спасылкай на крыніцы паведаміла газета The Washington Post.

Са звестак выдання, свае высновы ЦРУ зрабіла на аснове некалькіх крыніц. У іх ліку - тэлефонны званок брата наследнага прынца Халіда бэн Салмана, які адначасова з'яўляецца паслом Савудаўскай Арабіі ў Злучаных Штатах, Джамаля Хашкаджы. Падчас размовы каралеўскі сямейнік праінфармаваў Хашкаджы, што той павінен з'явіцца ў консульства Савудаўскай Арабіі ў Стамбуле, каб атрымаць неабходныя дакументы, і пераканаў яго ў тым, што візіт будзе бяспечным. Суразмоўцы выдання ўдакладняюць, што застаецца незразумелым, ці ведаў прынц Халід, што Хашкаджы будзе забіты, аднак сцвярджаюць, што ён патэлефанаваў журналісту на загад свайго брата. У пасольстве Савудаўскай Арабіі ў Вашынгтоне на гэта заявілі, што пасол і Хашкаджы ніколі не абмяркоўвалі «што-небудзь, звязанае з паездкай у Турцыю».

Пасля публікацыі WP Дзярждэп абвясціў, што ЦРУ пакуль не прыйшло да канчатковай высновы аб забойстве журналіста, які крытыкаваў савудаўскі рэжым.

Калумніст газеты The Washington Post Джамаль Хашкаджы прапаў без вестак 2 кастрычніка. У той дзень ён увайшоў у будынак генеральнага консульства Савудаўскай Арабіі ў Стамбуле, і больш яго ніхто не бачыў. Цела Хашкаджы не знайшлі. Паводле версіі турэцкай пракуратуры, журналіста забілі, ягонае цела раздзялілі і знішчылі.