Відэафакт: Гарадзенскі актывіст зладзіў перфоманс у судзе
4- 22.11.2018, 14:30
- 25,907
Мікалай Салянік прыйшоў у суд у турэмнай робе.
Cёння ў Гародні праходзіць суд над актывістам АГП Мікалаем Салянікам. Гарадзенскага актывіста судзяць за расцяжку «Далоў самадзяржаўе», з якой ён і Аляксандр Лаўрэнцьеў выйшлі на плошчу ў дзень кастрычніцкай рэвалюцыі.
Мікалай Салянік прыйшоў у гарадзенскі суд у турэмнай робе і ланцугом на шыі. У руках ён трымаў Канстытуцыю Беларусі.
Гарадзенскі актывіст не першы раз праводзіць палітычныя перформансы.
ФОТА: ВАДЗІМ САРАНЧУКОЎ/FACEBOOK
Нагадаем, 3 лiпеня Мікалая Саляніка разам з іншым чальцом АГП з Гародні Аляксандрам Лаўрэнцьевым людзі ў цывільным жорстка затрымалі за спробу правядзення несанкцыянаванага пікету.
У той дзень Салянік і Лаўрэнцьеў надзелі турэмныя паласатыя робы і, трымаючы ў руках шыльду з надпісам «Беларусь - краіна для жыцця», сфатаграфаваліся і апублікавалі здымак у сацсетках.