Таксічнае месца

Гэтыя людзі занадта шмат ведалі.

Памёр генерал Корабаў - начальнік ГРУ і фігурант амерыканскага санкцыйнага спісу. Яму было 62 гады, піша тэлеграм-канал «СерпомПо».

Вайсковую выведку Расеі, супрацоўнікі якой абвінавачваюцца ў крымінальных злачынствах у заходніх краінах (кібератакі, замахі на забойствы і забойствы) Корабаў узначальваў з 2016 года. Пакіраваў нядоўга.

Да Корабава ГРУ ўзначальваў генерал Сяргун (з 2011 да 2016 год), які раптоўна памёр ва ўзросце 58 гадоў. Таксама не сталы ўзрост.

На час кіраўніцтва ГРУ Сергуном і Корабавым прыйшліся самыя брудныя старонкі новай расейскай гісторыі - захоп Крыма, вайна супраць Украіны на ўсходзе гэтай краіны, кібератакі супраць заходніх краін, спробы забойства і забойствы людзей у Еўропе, вайна ў Сірыі.

Калі хто-небудзь з вайсковай выведкі камунікаваў з Пуціным, Патрушавым, атрымліваў ад іх загады аб сакрэтных аперацыях, то гэта маглі быць Сяргун і Корабаў.

Гэтыя людзі занадта шмат ведалі.

Выканаўцам абавязкаў начальніка ГРУ прызначаны сёння віцэ-адмірал Касцюкоў.

Яго адміральскі ранг, магчыма, паслужыць прадметам для насмешак - кіраўніком абвера (вайсковай выведкі і контрвыведкі Веймарскай і нацысцкай Нямеччыны) з 1935 да 1944 год быў адмірал Канарыс.

Месца, якое заняў цяпер Касцюкоў - «наш Канарыс» нядобрае, небяспечнае, таксічнае месца, проста на вагу «Навічка».