«Дармаед» - уладам: Не буду плаціць з прынцыпу. Што за краіна такая?

Беларусы востра рэагуюць на «базу дармаедаў».

Да 1 снежня ў Беларусі павінны стварыць базу звестак «незанятага ў эканоміцы насельніцтва».

У некаторых гарадах жыхарам нашай краіны ўжо сталі поштай прыходзіць лісты, у якіх адрасатаў просяць пацвердзіць сваю занятасць, піша сайт «Медыя-Палессе».

Тыя, хто гэтага не зробіць, з 1 студзеня 2019 года будуць аплачваць гарачае водазабеспячэнне поўнымі тарыфамі, а з 1 кастрычніка 2019 года будуць поўнасцю аплачваць газа-і цеплазабеспячэнне.

Фактычна ў лістападзе наступнага года «дармаеды» атрымаюць рахункі са 100% коштам камунальных паслуг.

Варта адзначыць, што поўная аплата ЖКП закране тых жыхароў Беларусі, якіх залічаць да незанятых у эканоміцы, калі ў іх ёсць ва ўласнасці жыллё ці на іх аформлены дамовы арэнды.

Пінчукі ў сацсетках выказалі сваё стаўленне да новаўвядзенняў. Журналісты падаюць некаторыя думкі:

Лізавета:

«Маразм з відавочнымі ўхілам у шызафрэнію! Як чалавек, які не працуе, можа аплаціць хоць штосьці?? Людзі мяса сабе кавалак дазволіць не заўсёды могуць, кураціну ядуць; вакансій нуль, скарачэнні ўсюды, уяўныя працоўныя месцы, але 100% аплата. Мы даўно ўжо гэтыя 100% плацім. Хто там, што ўжывае, што атрымліваем такія вынаходніцтвы?

Усё ніяк кішэні не напхаюць свае! Хоць хутчэй ужо напхалі, а трэба ж папоўніць за кошт людзей, чые жыцці проста нішто.

Гэта проста нізка, гідка.

Усё праз..., але найвышэйшым коштам!

Алекс:

«Дружна перапісваем кватэры на бацькоў-пенсіянераў?»

Мікалай:

«Затое краіна для жыцця... пытанне, толькі якога жыцця...»

Савелій:

«Аслы зноў людзей на вуліцы выштурхваюць».

Вадзя:

«Дык, а дзе абяцаныя усім па пяцьсот? Кошты на ўсе паднялі, камунальныя паднялі, а дзе заробкі?»

Святлана:

«Дзе, «дармаед», возьме грошы плаціць за кватэру, сям'я зноў пакутаваць будзе».

Аляксандр:

«Нельга пакідаць чалавека голым. Калі чалавек голы, ён небяспечны. Ад чаго адбываюцца ўсе рэвалюцыі? Рэвалюцыі бываюць, калі ў дзяржавы шмат голых людзей. - м/ф «Не будзіце соннага сабаку»

Максім:

«Не буду плаціць з прынцыпу. Што за краіна такая? У іншых краінах наадварот плацяць беспрацоўным. У такім выпадку, няхай дзяржава даасць потым мне годную пенсію, тады так, я гатовы плаціць гэты пракляты падатак.

P.S. Радзіму люблю, дзяржаву не».