Пізанская вежа перастала «падаць»
7- 22.11.2018, 19:28
- 17,635
Нахіл знакамітай Пізанскай вежы стаў змяншацца.
Кут нахілу «падаючай» Пізанскай вежы, адной з самых папулярных архітэктурных славутасцяў Італіі, стаў меншым, паведамляе ВВС.
Са слоў экспэртаў, якія будуць сачыць за рэстаўрацыйнымі працамі, за апошнія 20 гадоў 57-метровая вежа выпрасталася на чатыры сантыметры.
«Як быццам вежа памаладзела на два стагоддзі», - адзначыў прафесар Сальватору Сеціс.
Прафесар геатэхнікі з Пізанскага ўніверсітэта Нунц’янтэ Скуэлля дадаў: «У першую чаргу мае значэнне ўстойлівасць званіцы, а яна перавысіла чаканні».
Турысты, якія любяць «падтрымліваць» вежу на фотаздымках, ужо пачалі заўважаць змены, якія адбываюцца з ёй. На гэта звярнула ўвагу, між іншым, дацкая тэнісістка Караліна Вазняцкі.
I feel like the Leaning Tower of Pisa is standing more straight today 😜💪🏻 pic.twitter.com/k4rqDnnRYa
— Caroline Wozniacki (@CaroWozniacki) 8 ноября 2018 г.
«Мне здаецца, Пізанская вежа цяпер стаіць больш роўна»
«Чула, Пізанская вежа стала стаяць больш роўна, не хачу паказваць на сябе, але, магчыма, збольшага прычына таму - я»
У 1990 годзе вежу ўпершыню за 800 гадоў закрылі для турыстаў праз боязь, што яна можа ўпасці. У той час нахіл складаў 4,5 метра ад вертыкальнага становішча.
Міжнародная камісія на чале з польскім экспэртам прафесарам Міхеле Ямёлькоўскім працавала над стабілізацыяй вежы з 1993 да 2001 года.
У выніку кут нахілу паправілі на 45 см, выдаткаваўшы на гэта больш за 250 мільёнаў даляраў.
Пізанская вежа стала «падаючай» ужо праз пяць гадоў пасля пачатку будаўніцтва ў 1173 годзе.
Пласт пяску і гліны, на якім пабудаваная вежа, мякчэйшы з яе паўднёвага боку, чым з паўночнага. Будаўнікі яшчэ не паспелі дабудаваць трэці паверх, а размякчэнне глебы пад вежай ужо прывяло да нахілу.