Былы сакрэтны бункер на Камянеччыне прадаюць за $100 тысяч

Бункер сыходзіць на тры паверхі ў зямлю.

МНС прадае былы прымаючы радыёцэнтр «Рубрыка», размешчаны ў Камянецкім раёне Берасцейскай вобласці. Рэшткавы кошт аб'екта - 206 тысяч рублёў, паведаміў tut.by афіцыйны прадстаўнік Берасцейскага абласнога ўпраўлення МНС Сяргей Машноў.

Вузел сувязі «Рубрыка» ў ваколіцах Белавежскай Пушчы будавалі з 1968 да 1971 года. Складаўся ён з двух падземных радыёцэнтраў. Адзін - які прымае, другі - які перадае.

Як паведамляе партал meridian28.com, у часы халоднай вайны магутнасцямі гэтага цэнтра ажыццяўлялася сувязь з войскамі СССР на заходнім кірунку - у краінах Варшаўскай дамовы. Звязацца адсюль можна было з любым пунктам СССР і краінамі-сатэлітамі: пры неабходнасці можна было датэлефанавацца нават на Кубу.

Пасля распаду СССР вузел прыйшоў у запусценне. Радыёцэнтр, які прымае у пачатку нулявых перадалі для рэарганізацыі ў штаб грамадзянскай абароны, а які перадае раскралі паляўнічыя за металам.

Намаганнямі МНС прымаючая «Рубрыка» заставалася ў належным стане і пад аховай. Аднак пасля перадачы выратавальнікам аб'ект не выкарыстоўваўся, таму быў прынятая пастанова выставіць яго на продаж.

- Сам па сабе аб'ект вельмі цікавы. Такіх у Савецкім Саюзе было ўсяго чатыры. Ён сыходзіць на тры паверхі ў зямлю, аўтаномны, - распавёў прадстаўнік Берасцейскаг абласнога ўпраўлення МНС Аляксандр Ліхно.

Рэшткавы кошт аб'екта - 206 тысяч беларускіх рублёў.