Будслаўскі фэст уключаны ЮНЕСКА ў спіс нематэрыяльнай культурнай спадчыны
1- 28.11.2018, 20:19
- 15,154
Будслаўскі фэст - гэта адзін з сімвалаў беларускай ідэнтычнасці.
Будслаўскі фэст ўнесены ЮНЕСКА ў рэпрэзентатыўны спіс нематэрыяльнай культурнай спадчыны чалавецтва, паведамляе МЗС.
«Міжурадавы камітэт аховы нематэрыяльнай культурнай спадчыны ЮНЕСКА сёння падчас 13-й сесіі аднагалосна прыняў пастанову аб уключэнні беларускага элемента нематэрыяльнай культурнай спадчыны «Урачыстасць у гонар шанавання Іконы Маці Божай Будслаўскай (Будслаўскі фэст)» у рэпрэзентатыўны спіс нематэрыяльнай культурнай спадчыны чалавецтва», - распавялі ў прэс-службе.
Будслаўскі фэст - гэта адзін з сімвалаў беларускай ідэнтычнасці, урачыстасць, якая адбываецца ў атмасферы ўсеагульнай павагі і дружбы, аб'ядноўвае розныя групы людзей, незалежна ад іх рэлігійных поглядаў, сацыяльнага статусу і гендэрных адрозненняў.