Фотафакт: Космас «усміхнуўся» зямлянам

Тэлескоп Hubble сфатаграфаваў «касмічны смайл».

Астраномы NASA сфатаграфавалі ў космасе структуру, якая падобная да ўсмешлівага смайліка з двух святлівых жоўтых шароў і дугі ў выглядзе рота, паведамляе vokrugsveta.ua.

«Ніжняя, дугападобная галактыка мае форму, якая характэрна для гравітацыйнага лінзавання. Яе святло прайшло каля масіўнага аб'екта ў шляху да нас, у выніку чаго стала скажоным і расцягнутым», - патлумачылі астраномы NASA.

Калі зоркі нараджаюцца, яны выходзяць з гіганцкіх аблокаў газу, так званых зорных гадавальнікаў. З часам гэтыя гадавальнікі становяцца нестабільнымі, саступаючы гравітацыйным сілам, пакуль яны не стануць свайго роду «насеннем», якое спараджае новыя зоркі.

Вывучаючы жыцці іншых галактык, можна праліць святло на тое, як газ ператвараецца ў гіганцкія зоркі. Менавіта гэтага шукаў Hubble, калі ён наткнуўся на сімпатычны маленькі твар у вобласці неба, што багатая зорнымі гадавальнікамі. Для павышэння якасці малюнка супрацоўнікі NASA павялічылі разрозненне здымка з шырокапалоснай камеры Wide Field Camera 3.

Аналізуючы свяцільнасць, памер і хуткасць утварэнне маладых зорак на такіх выявах, даследчыкі NASA спадзяюцца лепш зразумець, як зоркі фармуюцца ў халодных кутках Сусвету.