Ігар Ляшэнка: Павышэнне коштаў паліва будзе працягнутае

Віцэ-прэм'ер распавёў пра «справядлівы кошт паліва».

Павышэнне коштаў паліва будзе працягнутае - заявіў сёння віцэ-прэм'ер Беларусі Ігар Ляшэнка, наведваючы Гродна Азот, паведамляе БелТА.

«Адзначу, што ў даляравым эквіваленце падаражанне склала 1 цэнт. Пры сённяшнім кошце барэляў у $72 справядлівы кошт за літр АІ-92 - 77 цэнтаў, - сказаў Ігар Ляшэнка. - Калі барэль будзе стабільны, падвышэнне кошту паліва на 1 капейку будзе працягнутае».