20 чэрвеня 2019, Чацвер, 11:04
Мы ў адной лодцы
Рубрыкі

Сем'і загінулых у катастрофе MH17 напісалі Трампу ліст

11

Сваякі загінулых у катастрофе MH17 просяць Трампа пераканаць Пуціна пайсці на «збавенне».

Рабочая група, якая аб'ядноўвае сем'і ахвяр трагедыі малайзійскага Боінга, звярнуліся да прэзідэнта ЗША Дональда Трампа напярэдадні яго сустрэчы з кіраўніком Расеі на саміце G20 у Буэнас-Айрэсе ў лістападзе. Копія ліста маецца ў рэдакцыі «Новай газеты».

Сваякі загінулых просяць Трампа пераканаць Уладзіміра Пуціна апублікаваць дэталёвую інфармацыю пра абставіны гібелі пасажырскага лайнера ў небе над Данбасам, адзначаючы, што «ніколі не бывае позна заняцца збавеннем».

Нагадаем, што афіцыйнае расследаванне катастрофы, якое вядзецца больш за 4 гады, прыйшло да высновы аб тым, што ракета комплексу БУК, якая ў ліпені 2014 года збіла МН17 з 298 пасажырамі на борце, мела расейскае паходжанне. Афіцыйна расейскі бок адмаўляе датычнасць сваіх структур да трагедыі, заяўляючы, што Боінг быў збіты ўкраінскімі вайскоўцамі з сяла Зарошчанскае.

У лісце Трампу сваякі назвалі пазіцыю Масквы «відавочнай спробай схаваць [праўду] пра тое, што здарылася» і правялі паралель з паводзінамі Эр-Рыяда ў адказ на абвінавачванні ў адрас саудаўскіх структур у забойстве журналіста Джамала Хашогі: «Нядаўна вы назвалі забойства спадара Джамала Хашогі «адным з найгоршых утойванняў у гісторыі ўтойванняў». Прызнаючы, што мы не ведаем усіх фактаў, нам здаецца, што вы маеце рацыю. І такім жа чынам мы можам казаць пра забойства 298 чалавек на борце MH17, якое знаходзіцца ў адной катэгорыі [з забойствам Хашогі]».

«Прэзідэнт Пуцін шмат працуе, каб аднавіць павагу да расейскага народу і самому ўвайсці ў гісторыю ў якасці вялікага дзяржаўнага дзеяча. Калі ён сапраўды ім з'яўляецца, то яму неабходна разумець, што ўтойванне [праўды], гэткай відавочнай у сур'ёзных злачынствах, як атака на MH17, працуе супраць дасягнення яго мэты», - пішуць сваякі загінулых.