На плошчы Незалежнасці ў Менску працуюць сапёры

Паступіў званок аб мінаванні.

Сапёрная група працуе на плошчы Незалежнасці пасля паведамлення аб мінаванні. Як паведамляюць чытачы tut.by, людзей просяць пакінуць прылеглыя тэрыторыі і ГЦ «Сталіца».

Закрыты падземны пераход у бок педагагічнага ўніверсітэта на плошчы Незалежнасці, паведамілі чытачы. Недалёка заўважаны аўтамабіль сапёраў.

«ГЦ «Сталіца» закрыты, працуюць сапёры і міліцыя. Нікога не пускаюць у ГЦ, а тых, хто паспеў увайсці, не выпускаюць на плошчу, і да 12-й гадзіны яна будзе закрытая», - напісала таксама ў рэдакцыю чытачка Анастасія.

Ва Унутраных войсках пацвердзілі: паступіў сігнал аб тым, што аб'ект замінаны.

«На плошчу выбыла сапёрна-піратэхнічная група узрыватэхнічнага цэнтра Унутраных войскаў. Спецыялісты ўжо на месцы і прыступаюць да працы. Паведамленне правяраецца», - пацвердзіў афіцыйны прадстаўнік Унутраных войскаў МУС Уладзімір Пархомцаў.

У сталічнай міліцыі ўдакладнілі, што а 9.42 у дзяжурную частку паступіла тэлефанаванне ад невядомага «з паведамленнем аб замінаванні плошчы Незалежнасці». Акрамя сапёраў на месцы працуюць праваахоўнікі, праводзіцца эвакуацыя людзей.

Акрамя таго, пры ўваходзе на станцыю «Плошча Незалежнасці» ўзмацнілі ахову. «Правяраюць ўсе валізкі і вялікія торбы, хоць звычайна не так строга», - распавяла мянчанка Хрысціна.