Брытанія можа скасаваць Brexit у аднабаковым парадку

Суд Еўразвязу заявіў, што Лондан можа адклікаць выкарыстанне артыкула 50 Дамовы аб ЕЗ.

Пра гэта гаворыцца ў пастанове Cуда ЕЗ, паведамляе "Еўрапейская праўда".

"У сённяшняй пастанове суд пастанавіў, што калі дзяржава-чалец паведамляе Еўрапейскай Радзе аб сваім намеры выйсці з Еўрапейскага Звязу, як гэта зрабіла Вялікабрытанія, гэтая краіна-чалец мае права адклікаць гэта апавяшчэнне ў аднабаковым парадку", - гаворыцца ў паведамленні на сайце суду.

Суд таксама вызначыў, што магчымасць адклікання існуе да таго часу, пакуль пагадненне аб выхадзе, укладзенае паміж ЕЗ і гэтай дзяржавай-чальцом, не ўваходзіць у дзеянне, або, калі такое пагадненне не будзе ўкладзенае цягам двух гадоў з даты паведамлення аб намеры выйсці з ЕЗ, і не скончыўся тэрмін кожнага магчымага працягу.

"Адкліканне павінна быць вызначанае ў рамках дэмакратычнага працэсу ў адпаведнасці з нацыянальнымі канстытуцыйнымі патрабаваннямі. Гэта адназначная і безумоўная пастанова павінна быць накіраваная ў пісьмовай форме ў Еўрапейскую Раду. Такое адкліканне пацвярджае сяброўства ў ЕЗ адпаведнай дзяржавы на ўмовах, якія не мяняюцца што да яе статусу дзяржавы-чальца і прыводзяць да заканчэння працэдуры выхаду", - гаворыцца ў паведамленні суда.

Юрысты ЕЗ намагаюць на тым, што Вялікабрытанія мае патрэбу ў галасаванні дзяржаў-чальцоў для таго, каб адмовіцца ад выхаду з ЕЗ, хоць Лондан і заяўляў, што Суд ЕЗ можа не разглядаць такое пытанне, бо яно гіпатэтычнае.