29 сакавiка 2024, Пятніца, 15:29
Падтрымайце
сайт
Сім сім,
Хартыя 97!
Рубрыкі

Колькі каштавацьмуць Францыі саступкі «жоўтым камізэлькам»?

2
Колькі каштавацьмуць Францыі саступкі «жоўтым камізэлькам»?
ФОТА: RFI

Урад краіны зрабіў падлікі.

Дзяржаўны сакратар Францыі Аліўе Дюсо заявіў, што абвешчаныя прэзідэнтам Эмануэлем Макронам эканамічныя захады дадаткова запатрабуюць з бюджэту ад 8 да 10 мільярдаў еўраў.

Пра гэта піша Le Figaro.

Дюсо паведаміў, што ўрад Францыі ў гэты момант праводзіць працэс «тонкага наладжвання эканамічных механізмаў».

У той жа час, канчатковая пастанова пра механізмы рэалізацыі ідэй прэзідэнта ва ўрадзе яшчэ не прынятая.

Раней прэзідэнт Францыі Эмануэль Макрон паабяцаў увесці падатковыя льготы і павялічыць мінімальны заробак.

Нагадаем, пратэсты ў Францыі супраць падвышэння коштаў на паліва доўжацца ўжо чацвёрты тыдзень. Незадаволенасць не сціхла нават пасля таго, як французскі ўрад пагадзіўся скасаваць падвышэнне коштаў паліва і замарозіць кошты газу і электрычнасці на 2019 год - тады французы сталі выступаць за падвышэнне заробкаў і пенсій, зніжэнне падаткаў і нават устанаўлення больш мяккіх патрабаванняў для паступлення ва ўніверсітэты.

Паводле прыблізных ацэнак, у суботу, 8 снежня, пратэставалі 125 тысяч чалавек, 1,7 тысяч чалавек былі затрыманыя.

Са слоў французскага міністра фінансаў Бруна Ле Мера, пратэсты «жоўтых камізэлек» сталіся для эканомікі Францыі катастрофай.

Напісаць каментар 2

Таксама сачыце за акаўнтамі Charter97.org у сацыяльных сетках