«Баста»: Сюрпрызаў ў дачыненні да 500 тысяч «дармаедаў» будзе шмат

Падзеі развіваюцца хутчэй, чым мы чакалі.

Не паспелі беларусы апамятацца ад увядзення ў дзеянне базы звестак «дармаедаў», як улады паднеслі новы сюрпрыз. 10 снежня Лукашэнка падпісаў указ №474. З дакумента вынікае, што з 1 сакавіка наступнага года 500 тысяч беларусаў пазбаўляюцца права на атрыманне дзяржаўнай падтрымкі пры будаўніцтве, рэканструкцыі або набыцці жылля. Калі ўсе працаздольныя сямейнікі не занятыя ў эканоміцы, дзяржпадтрымка на набыццё або будаўніцтва жылля наогул не прадугледжаная.

Лукашэнка спяшаецца, разумеючы, што пасля публічнай сваркі з Пуціным з грашыма будзе наогул вельмі туга. Інстынкт самазахавання адмовіў яшчэ пару гадоў таму, а тут яшчэ дах знесла ад беспакаранасці: народ пакуль маўчыць, на вуліцу не выходзіць.

Чыноўнікі таксама рады старацца. Яны ўжо зразумелі, што для імітацыі дзейнасці досыць падсоўваць начальніку самыя недарэчныя ідэі выбіванне грошай. Да таго ж, у многіх у глыбіні душы цепліцца надзея, што пасля чарговага дэкрэту людзі на вуліцу ўсё ж такі выйдуць і начальніка звольняць.

Таму новых сюрпрызаў ў дачыненні да 500 тысяч «дармаедаў» найбліжэйшым часам будзе шмат - база звестак ужо ж ёсць, працаваць прасцей.

Дарэчы, калі з крэатывам праблемы ўсё ж узнікнуць - звяртайцеся, падкажам. Можна, напрыклад, для «дармаедаў» увесці падатак на паездкі за мяжу (яны ж там многія працуюць, вы ведаеце) або забараніць ім карыстацца грамадскім транспартам (для здароўя больш карысна). Можна ў іх жыллё забіраць або прамінулай датай падатак на нараджэнне ўвесці. І паспяшайцеся. Мы ўсе таксама хочам, каб у вас кіраўнік нармалёвы быў.

Тэлеграм-канал «Баста»