Курды вызвалілі ад ІДІЛ апошні сірыйскі горад

Наступ падтрымала авіяцыя кааліцыі пад кіраўніцтвам ЗША.

Курдскія байцы раніцай 14 снежня пасля жорсткіх баёў захапілі апошні сірыйскі горад, захоплены «Ісламскай дзяржавай». Наступ падтрымала авіяцыя кааліцыі пад кіраўніцтвам ЗША.

Пра гэта паведамляе Сірыйскі цэнтр маніторынгу за выкананнем правоў чалавека, піша «Европейская правда».

Падзенне Хаджына адбываецца пасля інтэнсіўных бітваў у апошняй апоры ІДІЛ паблізу іракскай мяжы на ўсходзе Сірыі. Тэрарысты кантралююць яшчэ некалькі сёлаў паблізу.

Сірыйскія дэмакратычныя сілы (SDF), узначаленыя курдамі і падтрымоўваныя ЗША, спрабуюць узяць Хаджын цягам апошніх трох месяцаў. Наступ узмацніўся ў апошнія тыдні пасля прыбыцця падмацаванняў з паўночнай Сірыі.

У паведамленні сказана, што некаторыя баевікі ІДІЛ адышлі да ўскраін горада і што баі дагэтуль прадаўжаюцца вакол Хаджына.

Назіральнікі зафіксавалі значныя страты цягам апошняга месяца баёў у гэтым раёне. У некалькіх раёнах, якія знаходзіліся пад кантролем «Ісламскай дзяржавы», загінулі 196 мірных жыхароў, у тым ліку 73 дзіцяці і 53 жанчыны, у тым ліку 100 сірыйскіх грамадзян, уключаючы 42 дзяцей і 28 жанчын. Сірыйская абсерваторыя таксама задакументавала забойства 257 чальцоў арганізацыі «Ісламская дзяржава» з 10 лістапада да 10 снежня 2018 года і смерць 172 байцоў Сірыйскіх дэмакратычных сіл за той жа перыяд.