Як без дыетаў падправіць фігуру да святаў

Некалькі парадаў ад дыетолага.

Адмова ад шкодных напояў і страваў, дробнае харчаванне, павелічэнне рухальнай актыўнасці, – усё гэта можа дапамагчы падправіць фігуру да навагодніх святаў без дыетаў, заявіла дыетолаг Людміла Бабіч. Таксама паводле словаў спецыяліста, пазграбнець можна, пазбавіўшыся ад лішняй вадкасці ў арганізме, паведамляе healthinfo.ua.

Дыетолаг Людміла Бабіч патлумачыла, што за пакінуты да святаў перыяд можна без наступстваў для здароўя скінуць не больш за 5 кілаграмаў. Сярод іншага, падправіць фігуру эфектыўна дапамагае ўжыванне чыстай пітной вады. Са шклянкі злёгку цёплай вады (можна з скрыдлікам цытрыны) эксперт парэкамендавала пачынаць кожную раніцу – гэта дапамагае актывізаваць метабалізм. Потым, цягам дня, таксама карысна піць ваду.

«Піць трэба часта, не чакаючы смагі – вада паскарае абмен рэчываў. Адмоўцеся ад алкаголю, салодкай газоўкі і пакетаваных сокаў – так вы значна знізіце каларыйнасць свайго рацыёну», – заўважыла дыетолаг.

Каб падправіць фігуру да святаў без дыетаў не галадаючы, у штодзённым рацыёне павінна быць дастаткова бялку і вугляводаў, трохі расліннага тлушчу, вітаміны і мікраэлементы. Паводле словаў лекара, недаатрымліваючы патрэбныя яму рэчывы, арганізм запавольвае абмен рэчываў і не дае спальваць тлушч на таліі.

Харчавацца экспертка рэкамендуе часта, але патроху.

Акрамя таго, трэба павялічыць фізічную актыўнасць, больш рухацца, паколькі гэта актывізуе вывядзенне з арганізма лішняй вадкасці. Таксама ад азызласці пазбаўляюць адвар пятрушкі, настой рмонкавай гарбаты, цытрусавыя, скарачэнне спажывання солі.

Незадоўга да святаў лекарка параіла схадзіць у саўну. Бабіч паведаміла, што можна стаць больш зграбным нават пасля аднаго наведвання саўны, але ў ідэале перад святамі лепш наведаць саўну два ці тры разы.