Гомельскі падлетак прыйшоў на хакейны турнір з сякеркай і нажамі

Яго затрымалі.

Учора супрацоўнікі АМАП УУС Гомельскага аблвыканкама забяспечвалі ахову правапарадку ў Лядовым палацы падчас адкрыцця абласнога першынства сярод дзяцей і падлеткаў у хакеі "Залатая шайба". Падчас правядзення надглядных мерапрыемстваў у дачыненні да няпоўнагадовага, 2001 года нараджэння, высветлілася, што ён прыйшоў на турнір, маючы з сабой забароненыя да праносу рэчы, піша «Гомельская правда».

У ходзе надгляду ў падлетка ў тканінным заплечніку ахоўнага колеру выяўленыя паходная сякерка ў чахле, раскладны нож. За поясам знойдзены нож у чахле. У ходзе далейшага разгляду паводле гэтага факту быў праведзены агляд месца жыхарства няпоўнагадовага.

У выніку выяўленыя 24 патроны рознага калібру, з якіх тры, згодна з заключэннем экспертызы, з'яўляюцца боепрыпасамі да ручной стралковай наразной агнястрэльнай зброі, прыдатнымі для стральбы.

Што тычыцца падлетка, то ён раней да адміністрацыйнай і крымінальнай адказнасці не змушаўся. Распачатая крымінальная справа паводле ч. 2 арт. 295 КК Рэспублікі Беларусь (незаконныя дзеянні ў дачыненні да агнястрэльнай зброі, боепрыпасаў і выбуховых рэчываў). Няпоўнагадовы затрыманы.