Лідары прафзвязу РЭП: Мы абараняем свой гонар

Генадзь Фядыніч і Ігар Комлік змагаюцца з паклёпам прапагандыстаў.

Пазоў аб абароне гонару, годнасці і дзелавой рэпутацыі ў суд Цэнтральнага раёна Менска падалі лідары прафзвязу РЭП Генадзь Фядыніч і Ігар Комлік, паведамляе praca-by.info. Адказчыкам выступае прапагандысцкі сайт praca-by.info, які апублікаваў паклёп на лідараў незалежнага прафзвязу.

Яшчэ ўлетку 2018 года Генадзь Фядыніч і Ігар Комлік падавалі пазоў у суд Цэнтральнага раёна Менска аб абароне гонару, годнасці і дзелавой рэпутацыі да гэтага сайту. Аднак суд адмовіў у разглядзе пазову.

- Першы пазоў суд з надуманых прычын, я ўважаю, пакінуў без руху. Сайт распаўсюджваў здагадкі, што намі прысвойваліся прафзвязныя грошы, на якія мы з Фядынічам набывалі нерухомую маёмасць, - растлумачыў Ігар Комлік. - Будучы нязгоднымі з прысудам па крымінальнай справе, мы не можам змірыцца з здагадкамі, якія ў дачыненні да нас распаўсюджваў сайт. Мы ўважаем, што публікацыі мелі на мэце нанесці шкоду нашай рэпутацыі ў вачах сяброў прафзвязу і грамадзян Рэспублікі Беларусь. Вялікага ўздзеяння на сябраў прафзвязу гэтыя спробы не падзейнічалі, але для не чальцоў прафзвязу гэтая публікацыя не прайшла незаўважанай. Мы павінны адказаць і абараніць свой гонар.

Генадзь Фядыніч і Ігар Комлік патрабуюць апублікаваць зняпраўджанне інфармацыі, якая не адпавядае рэчаіснасці, і прынесці публічныя прабачэнні.

- Калі б такую інфармацыю распаўсюдзілі незалежныя СМІ ў дачыненні да чыноўнікаў, то гэта ўжо была б гучная справа – гучнейшая чым «справа БелТА». За недакладную інфармацыю, якая наносіць шкоду гонару і годнасці любога грамадзяніна, усе павінны несці аднолькавую адказнасць. І «Белновости» - не выключэнне, - дадаў лідар прафзвязу РЭП Генадзь Фядыніч.