Пад Стоўбцамі гарэў «Парк гісторыі Сула»
1- 16.12.2018, 16:40
- 12,299
Будынак быў пабудаваны ў 19 стагоддзі.
Пад Стоўбцамі гарэў «Парк гісторыі Сула». Як паведамляе прэс-служба Берасцейскай абласной управы МНС, узгаранне адбылося позна ўвечары 15 снежня - паведамленне аб пажары паступіла а 20:43.
Гарэў будынак «Каралеўскай асамблеі» - гэта аднапавярховы каменны будынак 15х30 метраў з металічным дахам на драўляных латах. Агнём ахапіла дах, на момант прыбыцця пажарных ён гарэў адкрытым полымем.
Будынак пабудаваны ў 19 стагоддзі. У 2008 годзе тут рабілі рэканструкцыю.
Пажар хутка лакалізавалі, ніхто ў выніку здарэння не пацярпеў. Сярод прычын узгарання называюць кароткае замыканне.