У Беларусі скасавалі ўказ пра «псеўдапрадпрымальнікаў»

З 1 студзеня дзеянне ўказу №488 будзе спыненае.

З 1 студзеня 2019 гады дзеяння ўказу №488 будзе спыненае. Пра гэта ў «парламенце» заявіў намеснік кіраўніка Мінфіна Дзмітры Кійко, паведамляе tut.by.

Кійко распавёў, што рэестра псеўдапрадпрымальнікаў ужо не будзе - яго перастануць актуалізаваць з 1 студзеня. І не абавязкова ўгоды з гэтымі суб'ектамі будуць анулявацца.

«У кожным канкрэтным выпадку, калі будзе падазрэнні аб дзеяннях з рызыкоўным суб'ектам гаспадарання, будуць вывучацца ўсе акалічнасці. І карэктаваць падатковую базу будуць толькі на канкрэтную ўгоду», - удакладніў намеснік міністра.

Нагадаем, указ № 488 «Аб некаторых мерах папярэджання незаконнай мінімізацыі сум падатковых абавязанняў» выклікаў мноства нараканняў з боку бізнэс-колаў, іх апанентамі выступалі сілавыя ўстановы.

На думку бізнэсу, ўказ фактычна і не патрэбны, бо ў праваахоўных і кантрольных органаў досыць іншых «інструментаў» для прыцягнення да адказнасці парушальнікаў заканадаўства ў сферы прадпрымальніцкай дзейнасці: Грамадзянскі кодэкс, Крымінальны кодэкс, Падатковы кодэкс, Бюджэтны кодэкс, Закон «Аб бухгалтарскім уліку і справаздачнасці », Закон «Аб эканамічнай неплатаздольнасці (банкруцтве)».