Заўтра ў Беларусі чакаецца снег з дажджом

Месцамі будзе туман, галалёд.

У панядзелак, 3 снежня, у Беларусі прагназуюцца ападкі ў выглядзе снегу і мокрага снегу з дажджом. Месцамі чакаецца туман, галалёд. На асобных адрэзках дарог захаваецца галалёдзіца, паведамілі БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Прагназуецца воблачнае надвор'е. Уначы па захадзе, а ўдзень на большай частцы краіны часам будзе ісці снег, а таксама мокры снег, які будзе пераходзіць у дождж. Вецер чакаецца паўднёвы сярэдні, удзень – парывісты. Уначы тэмпература паветра складзе 2–8 градусаў марозу. У сярэдзіне дня прагназуецца ад нуля да мінус пяці градусаў.

Крыху цяплей будзе на захадзе Беларусі, дзе тэмпература складзе 1–4 градусы са знакам плюс.