Экспэрты: 15-хвілінны штодзённы шпацыр падаўжае жыццё

Топ-10 прычын часцей хадзіць пешшу.

Каб весці здаровы лад жыцця, трэба прыкладаць значныя намаганні - правільна харчавацца, рабіць рэгулярныя фізічныя практыкаванні, устрымлівацца ад шкодных звычак. І хоць вынік таго варты, але гэта ўсё досыць складана, піша joinfo.ua.

На шчасце, ёсць і больш простыя варыянты падтрымліваць свой арганізм у норме. Самы банальны рэгулярны шпацыр нядрэнна ўмацоўвае здароўе і паляпшае самаадчуванне. Вядома, нейкіх неверагодных вынікаў чакаць не варта, але вы даволі хутка адчуеце сябе лепш.

Асноўныя прычыны, чаму трэба шпацыраваць

Падыме настрой. Асабліва калі выбіраць для шпацыру прыгожыя паркі. Гэта настолькі эфектыўна, што нават праявы дэпрэсіі ў пэўнай ступені дапамагае прыбраць.

Паляпшае працу мозгу. Сэрца пампуе кроў больш актыўна, таму і мозгу перападае больш рэсурсаў, чым звычайна. Праз гэтага павялічваецца крэатыўнасць і з'яўляюцца арыгінальныя думкі і развязанні. Не проста так у старажытнай Грэцыі была філасофская школа перыпатэтыкаў, якія абмяркоўвалі ўсякія цікавыя тэмы менавіта падчас шпацыру.

Дапамагае змагацца з алергіяй. Так, нават калі на дварэ нешта актыўна цвіце, шпацыры будуць больш эфектыўна за бясплённыя спробы забарыкадавацца дома. А ўсё праз тое, што ўзмоцнены кровазварот дапамагае больш эфектыўнаму вылучэнню слізі, а разам з ёй - і алергенаў.

Дапаможа зэканоміць. Нават 15 хвілін на дзень - ужо нармальная нагрузка на арганізм. А калі надаваць гэтаму больш часу, то ўжо і ў фітнэс-клуб хадзіць не трэба. Плюс для шпацыру зусім не трэба нейкі асаблівы рыштунак і адзенне.

Дапамагае падоўжыць маладосць. Актыўная праца мускулатуры і падвышаны доступ крыві да клетак станоўча ўплывае на працу сістэм, якія перашкаджаюць развіццю ранняй старасці. Маршчакі, можа, і з'явяцца, але гэта будзе адзінай праявай узросту.

Нармалізуе сон. Рэгулярныя шпацыры, у тым ліку і перад сном, дапамагаюць нармалізаваць выпрацоўку патрэбных гармонаў і робяць засынанне больш эфектыўным. Так што, такія людзі значна менш схільныя да рызыкі бессані.

Зніжае стрэс. Кожная фізічная нагрузка дапамагае знізіць узровень адрэналіну і карцізолу ў крыві. Арганізм атрымлівае магчымасць «выплюхнуць» гармоны небяспекі, таму яны спыняюць свой шкодны ўплыў на органы і сістэмы. У ідэале, трэба пасля кожнай стрэсавай сітуацыі хоць бы 15 хвілін на інтэнсіўны шпацыр выдаткоўваць.

Абязбольвальныя. Высветлілася, што рэгулярныя шпацыры дапамагаюць пры хранічным болі. Прычым менавіта зніжаюць болевыя адчуванні, а не проста адцягваюць увагу.

Умацуе косткі. Для нармальнага функцыянавання костак, ім патрэбная нагрузка, за кошт якой і адбываецца правільнае фармаванне касцяной тканіны. Калі ж нагрузкі няма - яе трываласць імкліва падае.

Падвысіць імунітэт. За кошт чаго - дапаможа спраўляцца з разнастайнымі інфекцыйнымі захворваннямі. Ды і рызыка раку таксама знізіцца.