Навукоўцы назвалі ідэальную для здароўя тэмпературу

Пры якой тэмпературы людзі не хварэюць?

Спецыялісты Кітайскага цэнтра кантролю і прадухілення захворванняў пры садзейнічанні Фуданьскага ўніверсітэта (Шанхай) правялі буйнамаштабнае даследаванне ўзаемазалежнасці паміж паніжаным узроўнем атмасфернай тэмпературы і смяротнасцю.

Група навукоўцаў прааналізавала звыш 1,8 млн натуральных смяротных выпадкаў, якія адбыліся з 2013 да 2015 года ў больш чым 270 кітайскіх гарадах. У выніку выявілася, у большасці выпадкаў смерць мела цесную сувязь з паніжаным тэмпературным фонам.

Холад уплывае на сэрцава-судзінную сістэму і прыводзіць да зменаў у аўтаномнай нервовай сістэме чалавека, уздзейнічае на крывяны ціск і мае дачыненне да запаленчых працэсаў, — прыводзіць газета China Daily словы Кань Хайдуна — вядучага даследчыка з каманды спецыялістаў, якія займаюцца гэтым пытаннем. - У халодныя дні асабліва прыкметны негатыўны эфект адчуваюць на сабе рэспіратарныя органы, што можа тлумачыцца ўзмацненнем інфекцый у такі час года».

Як паказалі даследаванні, у першую чаргу ад паніжаных тэмператур пакутуюць сэрца і крывяносная сістэма. Небяспека захварэць пасля моцнага пераахалоджвання, паводле аналізу, існуе цягам двух тыдняў, у той час як наступствы перагрэву могуць прывесці да недамагання або гібелі толькі цягам двух-трох дзён з моманту, калі адбыўся інцыдэнт.

Навукоўцы КНР высветлілі, што за аптымальную для чалавечага арганізма трэба ўважаць тэмпературу 22,8 градуса Цэльсія - менавіта пры такім узроўні небяспека захварэць мінімальная. Паводле слоў спецыялістаў, вельмі ўразлівымі да холаду жанчыны, дзеці і людзей сталага веку ва ўзросце за 75 гадоў. Менавіта на іх, як паказала практыка, недастаткова працяглы ацяпляльны сезон у халодную пару года можа адбіцца асабліва негатыўна.