Пратэсты ў Францыі: улады пайшлі на саступкі «жоўтым камізэлькам»

Прэм'ер-міністр абвесціць пра мараторый на падвышэнне акцызаў на паліва.

Прэм'ер-міністр Францыі Эдуар Філіп пасля пратэстаў у краіне абвесціць пра шэраг захадаў, сярод якіх - мараторый на падвышэнне акцызаў на паліва.

Пра гэта паведамляе BFMTV са спасылкай на крыніцы ва ўрадзе.

"Знашай інфармацыі, прэм'ер-міністр рыхтуецца абвясціць пра некалькі тыпаў захадаў: "чаканы" - мараторый на падвышэнне акцызаў на дызельнае паліва і бензін, запланаванае з 1 студзеня, "моцны"- кансультацыі наконт заробку, і" некалькі сімвалічных захадаў", - гаворыцца ў паведамленні.

Напярэдадні вечарам урад правёў кансультацыі аб тым, як рэагаваць на патрабаванні пратэстаў, якія працягваюцца ў Францыі з 17 лістапада.

"Кіраўнік урада прадэманструе моцны жэст найбліжэйшыя дні", - заявіў міністр культуры Франк Рыстэр, пакідаючы гэтую сустрэчу.

У суботу па Францыі пракацілася трэцяя хваля пратэстаў супраць росту акцызаў на паліва, запланаванага прэзідэнтам Макронам. Самым разбуральным маштаб пратэстаў быў к Парыжы, дзе пратэстоўцы палілі аўтамабілі, білі вітрыны і нават сур'ёзна пашкодзілі Трыумфальную арку. Некалькі сотняў чалавек затрыманыя, больш за сотню атрымалі раны толькі ў французскай сталіцы.

Улады Францыі нават задумаліся над магчымасцю надзвычайнага становішча, каб прадухіліць паўтарэнне гвалту.