17 чэрвеня 2019, панядзелак, 2:57
Мы ў адной лодцы
Рубрыкі

Уцёкі расейскіх багацеяў у Лондан паскорылася да новага рэкорду

7

Сталіца Брытаніі працягвае заставацца «канчатковым пунктам» для грошай з РФ.

Вялікабрытанія працягвае заставацца ўлюбёным «канчатковым месцам» грошай заможных расейцаў, якія скупляюць у брытанскай сталіцы жыллё і камерцыйную нерухомасць, піша finanz.ru.

У трэцім квартале на фоне новага абвастрэння стасункаў Расеі з Захадам попыт выхадцаў з РФ на нерухомасць у Лондане рэкордна падскочыў.

Са звестак Knight Frank, кожны пяты дом у брытанскай сталіцы даражэйшы за 10 млн фунтаў стэрлінгаў (850400000 рублёў) быў набыты расейскім грамадзянінам. У 2016 годзе на дзель расейцаў прыпадала толькі 6% такіх продажаў, нагадвае РБК. У мінулым годзе нізкі паказчык забяспечылі Brexit і рэформа дзяржаўнага збору на другасную нерухомасць.

У 2018 годзе рост колькасці ўгод з удзелам расейскіх грамадзян адбыўся праз зніжэнне курсу фунта ў дачыненні да некаторых нацыянальных валют. Мацней за ўсё курсавая розніца стала выгадная для трымальнікаў расейскіх рублёў і паўднёваафрыканскага рэндаў. Так, першыя змаглі набываць нерухомасць у Вялікабрытаніі на 20% танней, чым да Brexit: дзякуючы розніцы курсаў валют у 2018 годзе кожны 1 млн фунтаў стэрлінгаў у кошце нерухомасці каштаваў расейцу на 187,7 тысячы фунтаў танней, чым у 2016 годзе.

Мінулым летам у расейцаў акрамя Лондана карысталася попытам нерухомасць у Балгарыі, Гішпаніі, Італіі, ЗША і Нямеччыне, адзначаюць аналітыкі міжнароднага агенцтва нерухомасці Sotheby's International Realty.

У Расеі элітнае жыллё таксама карыстаецца попытам. За чэрвень-жнівень 2018 года продажу прэміяльнага першаснага жылля ў Маскве дасягнулі 19 млрд рублёў. Попыт на дарагія кватэры вырас у 2,4 разы ў дачыненні да аналагічнага перыяду мінулага года, падлічылі ў Knight Frank. Колькасць прададзеных лотаў пры гэтым вырасла на 79%, да 259 з сумарнай плошчай ў 29 тысяч кв м.