У Шклоўскім раёне распрацавалі турыстычны маршрут, звязаны з біяграфіяй Лукашэнкі

Чыноўнікі пабілі свой уласны рэкорд у падлізніцтве.

Турыстам плануюць паказаць музей Лукашэнкі ў Александрыі Шклоўскага раёна, выставу ў Шклове, прысвечаную Лукашэнку, школу, дзе ён сам вучыўся, школу, дзе вучыліся ягоныя старэйшыя сыны, і Трафімаву крыніцу, названую ў гонар ягонага дзеда.

«Маршрут «Малая радзіма» існуе ў Шклове не першы год, але цяпер ён удасканальваецца і пашыраецца. Тут яшчэ знаходзяцца пад уражаннем ад здымак кліпа Алены Ланской «Куток Беларусі», - піша газета «Звязда». - Але дом - школа - крыніца - гэта яшчэ не ўсё, што тут могуць паказаць. У аддзеле ідэалагічнай работы, культуры і справаў моладзі райвыканкама адзначаюць, што колькасць тых, хто хоча паглядзець, дзе прайшло дзяцінства, юнацтва і пачатак працоўнай дзейнасці дыктатара, расце».