Стала вядома, якім будзе надвор'е ў найбліжэйшыя тры дні

Заўтра чакаюцца ападкі ў выглядзе дажджу і мокрага снегу, галалёд, на дарогах галалёдзіца.

5 снежня варункі надвор'я на тэрыторыі Беларусі будуць вызначаць атмасферныя франты і няўстойлівыя паветраныя масы, піша pogoda.by. Чакаецца воблачнае з прасвятленнямі надвор'е. Уначы і раніцай ападкі (дождж, мокры снег), удзень на большай частцы тэрыторыі кароткачасовыя ападкі (у асноўным мокры снег). Месцамі слабыя туман і галалёд. На асобных адцінках дарог галалёдзіца. Вецер паўднёвы з пераходам на паўночна-заходні сярэдні. Тэмпература паветра цягам дня -2..+3°С. Атмасферны ціск будзе расці.

6 снежня рэспубліка будзе знаходзіцца ў вобласці павышанага атмасфернага ціску, сфармаванага ў паветранай масе паўночнаатлантычнага паходжання. Месцамі ў краіне пройдзе кароткачасовы снег. На асобных адцінках дарог галалёдзіца. Вецер няўстойлівы сярэдні. Тэмпература паветра мінімальная ўначы -1..-7°С, максімальная ў сярэдзіне дня -3..+2°С.

7 снежня ўначы ў асноўным захаваецца ўплыў вобласці павышанага атмасфернага ціску, якая адыходзіць на ўсход. Раніцай і ўдзень адаб'ецца ўплыў франтальнага падзелу, які змяшчаецца з тэрыторыі Польшчы. Чакаецца: уначы ў крайніх заходніх, а ўдзень і ў цэнтральных раёнах краіны кароткачасовы снег. Раніцай і ўдзень на захадзе ападкі (мокры снег, дождж), месцамі галалёд. У асобных раёнах туман, на дарогах галалёдзіца. Вецер паўднёва-ўсходні, паўднёвы сярэдні. Тэмпература паветра мінімальная ўначы -1..-7°С, на ўсходзе -8..-12°С, максімальная ў сярэдзіне дня 0..-6°С, на паўднёвым захадзе да +2°С.