Кошт нафты Brent упаў ніжэй за $61 за барэль
1- 5.12.2018, 10:37
- 8,262
Ранішнія таргі знізілі кошт «чорнага золата».
Ф'ючэрсы на нафту маркі Brent з пастаўкай у лютым раніцай у сераду, 5 снежня, упалі ў кошце да 60,99 даляра за барэль. Пра гэта сведчаць звесткі Bloomberg, піша korrespondent.net.
Так, на 09:02 (Менска), кошт ф'ючэрсаў на нафту маркі Brent знізіўся на 1,76%.
Пры гэтым кошт студзеньскіх ф'ючэрсаў на нафту маркі WTI упаў да 52,39 даляра за барэль, страціўшы 1,62%.
Нагадаем, 4 снежня ф'ючэрсы на нафту маркі Brent з пастаўкай у лютым выраслі ў кошце да 62,18 даляра за барэль.
Як паведамлялася, на мінулым тыдні нафта Brent апусцілася ніжэй за 58 даляраў за барэль.