Ёсць рэкорд!

Замежная завінавачанасць Беларусі набліжаецца да 17 мільярдаў.

Пакуль урадавыя чыноўнікі распрацоўваюць стратэгію памяншэння запазычанасці Беларусі перад іншымі краінамі і міжнароднымі фінансавымі ўстановамі, а МВФ дае нам парады, як гэта лепш зрабіць (гл. «Рэкамендацыі МВФ: карэктаванне бюджэту, абмежаванне заробкаў і план «Б»), дзяржаўная завінавачанасць нарастае, піша «Эканамічная газета».

Праўда, за дзесяць месяцаў гэтага года, г.зн. з пачатку года, са звестак Мінфіна, замежная запазычанасць нашай краіны павялічылася ўсяго на 42,7 млн USD (з улікам курсавых розніц), але гэта не перашкодзіла ёй устанавіць абсалютны рэкорд за ўвесь час незалежнасці, спыніўшыся на адзнацы 16,8 млрд USD. У асноўным гэта «дасягненне», якое зусім не цешыць, абумоўлена атрыманнем шостай раты крэдыту Еўразійскай фонду стабілізацыі і развіцця (ЕФСР) сумай 200 млн USD, якой мы так доўга дамагаліся. Менавіта ён «з'еў» зніжэнне дзяржаўнай запазычанасці з пачатку г.г. на 183,0 млн USD, або на 1,1%, якое было дасягнута ў верасня.

Натуральна, што пры гэтым вырасла і агульная завінавачанасць Беларусі, якую галоўная фінансавая ўстанова разлічвае ў беларускіх рублях. За студзень-кастрычнік яна дасягнула 45,1 млрд BYN, ці амаль 22 млрд USD, пасля 44,6 млрд BYN за дзевяць месяцаў. Толькі не трэба дзяліць гэтую суму на колькасць жыхароў нашай краіны, уключна старых і немаўлят, чым рэгулярна займаюцца некаторыя эканамісты, - ужо занадта непрыгожая лічба атрымаецца.

Лепш паглядзім, за кошт якіх крыніц фармавалася замежная запазычанасць Беларусі ў гэтым годзе. Усяго мы паспелі залучыць каля 2 млрд USD, з якіх 37% прыпала на ўрад Расеі і яе банкі, блізу 16% - на банкі Кітайскай Народнай Рэспублікі, і 10% - на ЕФСР, дзе «галоўнай скрыпкай» з'яўляецца тая ж Расея. Такім чынам, амаль 63% усёй запазычанасці сфармавана за кошт дзвюх краін або іх банкаўскіх устаноў. І толькі 37% прыпадаюць на еўрааблігацыі і іншыя крыніцы.

Гэта менавіта тая небяспека, аб якой папярэджвае нас МВФ у названым вышэй артыкуле: дыверсіфікацыя патрабуецца не толькі для экспарту, але і для фінансавых запазычанняў.

Усяго за кастрычнік было дадаткова залучана 279,5 млн USD, а кампенсавана - толькі 46 млн USD, дзве траціны з якіх сышлі ў Расею.

Што да ўнутранай запазычанасці, то яна «засталася» на адзнацы 9,6 млрд BYN, але пры гэтым яе велічыня з 1 студзеня г.г. вырасла амаль на 400 млн. BYN, або больш чым на 4%.