Bloomberg пералічыў галоўныя рызыкі для сусветнай эканомікі ў 2019 годзе

Сітуацыя ў сусветнай эканоміцы будзе шмат у чым залежаць ад гандлёвых войнаў, коштаў нафты і канфліктаў у водах ля берагоў Кітая.

Агенцтва Bloomberg падрыхтавала прагноз развіцця сусветнай эканомікі ў 2019 годзе (ёсць у РБК), у якім ёсць як сцэнары для асобных краін і рэгіёнаў, так і агляд палітычных рызык, якія могуць адбіцца на глабальных тэмпах росту.

Гандлёвыя войны

У 2019 годзе гандлёвыя супрацьстаянні паміж краінамі будуць «самымі жорсткімі». Праз непрадказальнасць дзеянняў прэзідэнта ЗША Дональда Трампа сцэнарыяў развіцця падзей можа быць шмат - ад спаду напружанасці да «поўнамаштабнай эканамічнай вайны паміж двума найбуйнейшымі эканомікамі свету, ЗША і Кітаем».

Сачыць, на думку экспэртаў агенцтва, трэба будзе за трыма тэмамі: ці здолеюць ЗША і Кітай дамовіцца аб узаемным гандлі, ці будзе Вашынгтон уводзіць новыя мыты на аўтамабілі і запчасткі з Еўропы, Карэі і Японіі і ці ратыфікуе кангрэс ЗША новае пагадненне аб гандлі з Мексікай і Канадай (USMCA).

Праблемы на любым з гэтых напрамкаў могуць адбіцца на стане сусветнай эканомікі.

Італія

У Італіі папулісцкі ўрад спрачаецца з Еўракамісіяй аб фіскальнай палітыцы (ЕЗ патрабуе скараціць выдаткі), праз што італьянскі бізнэс і насельніцтва сталі скарачаць свае выдаткі. Гэты трэнд працягнецца. Эканоміка краіны вырасце ў 2019 годзе на 0,5%.

Калі давер да італьянскай эканомікі вычарпаецца, краіна можа ўступіць у перыяд працяглай рэцэсіі, а яе крэдытны рэйтынг панізіцца, праз чаго могуць пачацца праблемы ў адносінах з ЕЦБ. У горшым сцэнары Рыму давядзецца выбіраць паміж фінансавым крызісам, падпарадкоўваннем патрабаванням ЕЗ або выхадам з валютнага звязу.

Велікабрытанія

Нявызначанасць са сцэнаром выхаду краіны са складу Еўрапейскага звязу можа прывесці да адстаўкі прэм'ер-міністаркі Тэрэзы Мэй і роспуску ўрада. Імавернасць гэтага агенцтва ўважае высокай. Жорсткі выхад з ЕЗ прывядзе да страты патэнцыйных 7% росту да 2030 года.

Нафта

Нафтавыя кошты будуць уплываць на стасункі Ірана і ЗША, пастанову АПЕК па ўзроўні здабычы і адносіны паміж Вашынгтонам і Савудаўскай Арабіяй.

Прэзідэнт ЗША Дональд Трамп заявіў, што не хоча, каб забойства журналіста Джамаль Хашкаджы адбілася на стасунках дзвюх краін, а праз трэнні нафтавыя кошты могуць падскочыць.

Канфлікты ў Азіі

У гэтым рэгіёне асноўныя рызыкі звязаныя з Кітаем і яго стасункамі з суседзямі. Агенцтва не дапускае, што павелічэнне падтрымкі Тайваня з боку ЗША і пастанова праводзіць у Паўднёва-Кітайскім моры вайсковыя вучэнні можа прывесці да сутыкнення з Пекінам.