Лукашэнка: Генеральным сакратаром АДКБ будзе беларус
15- 6.12.2018, 19:22
- 21,458
Пры гэтым прэс-сакратар Пашынян зняпраўдзіў заяву Лукашэнкі аб перадачы пасады генеральнага сакратара АДКБ Беларусі.
Аляксандр Лукашэнка ў кароткім інтэрв'ю журналістам на палях самітаў ЕАЭС і СНД у Санкт-Пецярбургу заявіў, што фактычна ўдалося развязаць праблему прызначэння генеральнага сакратара АДКБ, паведамляе БелТА.
«Мы нечакана ледзь не правялі пасяджэнне АДКБ. І ў прынцыпе развязалі праблему прызначэння генеральнага сакратара», - заявіў Лукашэнка.
Адказваючы на ўдакладняючае пытанне, Аляксандр Лукашэнка паведаміў, што генеральным сакратаром АДКБ будзе прызначаны беларускі прадстаўнік.
Прэс-сакратар в. а. прэм'ер-міністра Нікола Пашыняна Арман Егаян зняпраўдзіў агенцтву «Новости-Армения» заяву Лукашэнкі.
«Як вядома, пасяджэння АДКБ не было. Пазіцыя Арменіі ў гэтым пытанні не зведала ніякіх змен», - сказаў Егаян.