22-гадовы берасцеец перамог у папулярным тэлешоў «Пякельная кухня»

Ён атрымаў 15 тысяч даляраў і месца су-шэфа.

У фінале другога сезона расейскага тэлепраекта «Пякельная кухня - 2» перамог 22-гадовы берасцеец Уладзіслаў Керазь, піша tut.by.

Пераможцу дастаўся адзін мільён расейскіх рублёў (амаль 15 тысяч даляраў. - Заўвага.) І пасада су-шэфа ў рэстарацыі вядучага праекта, знакамітага кухара Канстанціна Іўлева.

Берасцеец Уладзіслаў Керазь нарадзіўся 15 ліпеня 1996 года. Пасля заканчэння Берасцейскага дзяржаўнага гандлёва-тэхналагічнага каледжа вызначыў працаваць поварам. Пасля каледжа трапіў на адпрацоўку ў рэстарацыю японскай кухні. Але прапрацаваў толькі паўтара года з двух пакладзеных: у адзін з дзён проста не прыйшоў. Кухара звольнілі на падставе артыкула. Усё было менавіта так таму, што па-іншаму з установы не адпускалі, распавядаў Уладзіслаў:

- Я адчуваў, што там толькі дэградую. І наважыў нешта мяняць, кінуць усё ў Берасці. Заплаціў за адпрацоўку і з'ехаў працаваць у Польшчу. Мне было вельмі цікава, як гэта там, у Еўропе. Папрацаваў у Польшчы год. Пасля паляцеў працаваць у Чарнагорыю, у гатэль. Адтуль шукаў маскоўскіх шэф-кухараў, каб стажыравацца ў іх. Знайшоў шэфа, які даў дабро, сабраў рэчы і паляцеў у Маскву.

Пасля стажыроўкі шэф дазволіў застацца працаваць. Але берасцеец вярнуўся ў Чарнагорыю - дапрацаваць два месяцы, назапасіць грошай. Вярнуўся ў Маскву працаваць, але ўсяго на месяц. Потым трапіў у «Пякельную кухню».

- Калі працаваў у Польшчы, увесь час глядзеў польскую версію гэтага шоў. Мне надта хацелася ўзяць удзел! Думаю, гэта вельмі добры старт у кар'еры кухара.