Кіраўнік МЗС Косава паспрачаўся з Лаўровым пра галоўную прычыну праблем на Балканах
- 7.12.2018, 21:39
- 11,810
Пацолі назваў галоўнага хаўрусніка Масквы ў рэгіёне пагрозай міру.
Міністр замежных спраў Косава Бехджэт Іса Пацолі не згодны са сваім расейскім калегам Сяргеем Лаўровым, якія назвалі Косава «галоўным агменем нестабільнасці» на Балканах праз тое, што Прышціна хоча стварыць свае ўласныя ўзброеныя сілы, паведамляе zn.ua.
Пацолі ўважае толькі галоўнага хаўрусніка РФ на Балканах - Сербію - пагрозай міру ў рэгіёне.
«Лаўроў не мае рацыі. Сербія застаецца адзінай пагрозай міру на Балканах і адзінай крыніцай нестабільнасці», - напісаў Пацолі ў Twitter, дадаўшы, што Косава з'яўляецца міратворчай дзяржавай, а ва ўзброеных сіл краіны будзе толькі абаронная функцыя.
.@mfa_russia #Lavrov is wrong. Serbia remains the only threat to peace in the Balkans & the only source for instability. Kosovo has aligned itself with the peacemaking nations in the world. No 1 should fear Kosovo Armed Forces, they will serve peace & have only defense mission.🇽🇰 https://t.co/OKYOSxrLqI
— Behgjet Pacolli 🇽🇰 (@pacollibehgjet) 7 декабря 2018 г.
