Сталі вядомыя новыя дэталі вяселля прынца Гары і Меган Маркл

Кенсінгтонскі палац апублікаваў афіцыйную заяву.

11 лютага Кенсінгтонскі палац апублікаваў афіцыйную заяву, у якой паведаміў новыя дэталі будучага вяселля прынца Гары і амерыканскай актрысы Меган Маркл, паведамляе nv.ua.

Аб заручынах Гары і Меган было афіцыйна паведамлена ў лістападзе 2017 года. Таксама раней стала вядома, што вяселле пройдзе ў капліцы Святога Георгія ў Віндзарскім замку ў суботу, 19 траўня.

У новым паведамленні палаца ўдакладняецца, што цырымонія адбудзецца апоўдні.

«Прынц Гары і спадарыня Меган Маркл вельмі ўдзячныя за шматлікія добрыя пажаданні, якія яны атрымалі пасля абвяшчэння аб заручынах. Яны з нецярпеннем чакаюць дня вяселля і магчымасці падзяліць урачыстасць з публікай», - гаворыцца ў заяве.

Таксама на гэты момант сталі вядомыя яшчэ некалькі дэталяў.

Цырымонію будзе праводзіць настаяцель Віндзара, яго правялебнасць Дэвід Конэр. Арцыбіскуп Кентэрберыйскі Джасцін Вэлбі будзе весці богаслужэнне, калі пара абмяняецца шлюбнымі зарокамі.

А 13:00 пара пасля ўзяцця шлюбу зробіць кола з капліцы Святога Георгія Віндзарскага замка праз Замкавы ўзгорак і ўздоўж Хай-стрыт і праз Віндзар-Таўн вернецца ў Віндзарскі замак па Лонг-Уолк. Гэты кароткі шпацыр дасць магчымасць большай колькасці людзей атрымаць асалоду ад атмасферы гэтага асаблівага дня.

Пасля службы, у холе капліцы Святога Георгія будзе праведзены прыём для гасцей. Пара далучыцца да прысутных пасля вяртання з шэсця.

Прыватны вясельны прыём адбудзецца вечарам гэтага ж дня. На ім будуць прысутнічаць блізкія сябры і чальцы сям’і.