У Менску на даху стадыёна «Дынама» разбілі намётавы гарадок
3- 12.02.2018, 14:58
- 14,110
На стадыёне ідзе рэканструкцыя.
Рэканструкцыя стадыёна «Дынама» ідзе поўным ходам: будаўнікі з усіх сіл імкнуцца паспець здаць яго ў тэрмін - да пачатку Еўрапейскіх гульняў - 2019, піша onliner.by. Нядаўна на яго даху з'явіліся даволі нечаканыя для абывацеляў аб'екты - намёты.
Як патлумачылі ў «Мінскбудзе», нічога звышардынарнага не адбылося: намёты ўсталяваныя ў сувязі з правядзеннем малярных прац.
- Цяпер на аб'екце вядзецца афарбоўка металаканструкцый, у сувязі з чым на даху ўсталяваныя так званыя цеплякі. Яны служаць абаронай ад ападкаў і наледзі падчас правядзення малярных прац. Яны і раней там стаялі, але паколькі іх было нашмат менш, мінакі іх не заўважалі. Цяпер жа ў сувязі з умовамі надвор'я і тым, што тэрміны трохі падціскаюць, мы павялічылі аб'ёмы работ і намёты сталі прыкметнымі здалёку, - патлумачыў начальнік управы будаўніцтва ДВА «Мінскбуд» Васіль Голуб.