Сланцавае свідраванне ў ЗША выйшла на трохгадовы рэкорд

Да канца года Амерыка будзе здабываць 11 мільёнаў барэляў на дзень.

Сланцавыя кампаніі ЗША прадаўжаюць нарошчваць аб'ёмы свідравання на фоне узляцелых да 3-гадовых рэкордаў коштаў нафты.

На мінулым тыдні колькасць свідравальных установак, задзейнічаных на амерыканскіх радовішчах, падскочыла на 26 адзінак, паведаміла ў справаздачы кампанія Baker Hughes, якая больш за 70 гадоў адсочвае актыўнасць на нафтавых свідравінах ва ўсім свеце, піша finanz.ru.

Тыднёвы скачок аб'ёмаў свідравання стаў другім у маштабах з 2014 года, а агульная колькасць свідравін дасягнула максімуму з красавіка 2015 года - на 9 лютага ў ЗША працавала 791 свідравальная брыгада.

Амаль усе ізноў запушчаныя ўстаноўкі - 24 з 26 - выкарыстоўваліся для гарызантальнага свідравання, якое ўжываецца для распрацоўкі сланцавых фармацый, вынікае са звестак Baker Hughes.

Максімальны рост быў зафіксаваны ў найбуйнейшым сланцавым басейне Permian у Тэхасе, дзе колькасць свідравін вырасла на 10 адзінак.

"Нарастальная актыўнасць амерыканскіх нафтавытворцаў зноў ставіць пад пагрозу дасягненне балансу рынкам у найбліжэйшай перспектыве", - канстатуе аналітык Nordea Дзяніс Давыдаў: на мінулым тыдні Мінэнэрга ЗША зафіксавала рост здабычы ў краіне да гістарычнага максімуму - 10,25 млн барэляў за дзень, пры гэтым працэс скарачэння запасаў у сховішчах, які ішоў бесперапынна з лістапада мінулага года, прыпыніўся.

Мінэнэрга ЗША павышае прагнозы ў нафтаздабычы ў краіне практычна штомесяц, але дагнаць у актыўнасці сланцавікоў яму пакуль не ўдаецца: хутчэй за ўсё, фактычныя паказчыкі за год зноў будуць вышэйшыя за адзнакі, кажа сыравінны стратэг Ашчадбанка CIB Міхаіл Шэйбе.

Паводле новай ацэнкі, апублікаванай у лютаўскім дакладзе аб рынку энэрганосьбітаў, ужо да канца года Штаты выйдуць на здабычу 11 млн барэляў на дзень, стаўшы найбуйнейшым вытворцам нафты ў свеце. Усяго 3 месяцы таму выхад на гэтую планку Мінэнэрга прагназавала на сярэдзіну 2019-га года.

Яшчэ больш трывожна выглядае прагноз у здабычы ў краінах, якія не ўваходзяць у АПЕК, паказвае Шэйбе: як мяркуе амерыканскае Мінэнэрга, сумарна дзяржавы па-за картэлем дададуць рынку 2,35 млн барэляў новых штодзённых паставак.

Пры гэтым попыт вырасце толькі на 1,7 мільёна барэляў на дзень. У выніку сусветны рынак вернецца ў рэжым залішняй прапановы: ён складзе 0,4 млн барэляў на дзень у першым квартале, 0,7 млн у другім, 0,2 млн - у трэцім і 0,5 млн - у чацвёртым.

Вярнуцца да адноснага балансу здабычы нафты і яе спажывання свет зможа толькі да канца 2019 года, калі навес залішняй прапановы скароціцца да 0,08 барэляў на дзень, мяркуе Мінэнэрга ЗША.