Дар'я Домрачава: Вецер і холад не дазваляюць паказаць вынік

Беларуская біятланістка пракаментавала вынікі выступлення на Алімпіядзе ў Пхенчхане.

Беларуска Дар'я Домрачава, якая паказала 37-ы вынік у гонцы пераследу на Алімпійскіх гульнях у Пхенчхане, распавяла «Прессболу», да чаго ў Карэі найбольш складана прызвычаіцца.

- Крыўдна, што Алімпіяда праходзіць у месцы, дзе гэткі моцны вецер?

- Крыўдна, калі нейкія староннія моманты ўмешваюцца ў расстаноўку фінішнага пратаколу. Але такі біятлон. Быць можа, ён менавіта таму настолькі цікавы для гледачоў.

- Да чаго найбольш складана прызвычаіцца: холад, вецер, часавы пояс, ціск, выкліканы медальнымі чаканнямі?

- Ды не. Часавы пояс не адчуваем тут у прынцыпе. У гэтым няма цяжкасцяў. Вецер і холад - асноўныя моманты, якія пакуль не дазваляюць паказаць той вынік, на які мы здольныя.

- Ці не ўзнікае цяпер асацыяцый з іншымі стартамі ў Карэі? ЧС-2009-м?

- Нешта ўсплывае, але не думаю, што варта на гэтым моцна факусавацца, бо сёння новы дзень, абсалютна іншы турнір, абсалютна іншыя ўмовы. Новая барацьба, новыя гонкі.

- Як у панядзелак слізгалі лыжы?

- Не дрэнна.

- Ёсць адчуванне, што знаходзіцеся на Алімпійскіх гульнях, або чагосьці не стае?

- Вядома адчуваецца, што гэта Алімпіяда, - сказала Домрачава.