У Паўднёвай Карэі дарадчыцу экс-прэзідэнта пасадзілі на 20 гадоў
4- 13.02.2018, 15:13
- 11,399
Яна таксама павінна выплаціць штраф сумай $16 мільёнаў.
У Паўднёвай Карэі суд прыгаварыў да 20 гадоў пазбаўлення волі блізкую сяброўку экс-прэзідэнта краіны Цой Сун Сіль паводле абвінавачвання ў карупцыі і ўмяшанні ў палітычныя справы краіны, паведамляе zn.ua са спасылкай на агенцтва Yonhap.
Паводле звестак агенцтва, абвінавачаная таксама павінна будзе выплаціць штраф сумай 18 мільярдаў паўднёвакарэйскіх вонаў (блізу 16 мільёнаў даляраў).
Ousted South Korean president Park Geun-hye's close friend Choi Soon-sil was jailed for 20 years over an influence-peddling scandal that brought down the former head of state pic.twitter.com/7HCbaKau6M
— TRT World Now (@TRTWorldNow) 13 февраля 2018 г.
Карупцыйны скандал у Паўднёвай Карэі разгарэўся ў кастрычніку 2016 года, калі ў прэсе з'явіліся паведамленні аб атрыманні буйнымі паўднёвакарэйскімі карпарацыямі, у тым ліку Samsung, падтрымкі ўрада ў абмен на выдачу значных сум грошай у фонды, створаныя Цой Сун Сіль - сяброўкай экс-прэзідэнта краіны Пак Кын Хе.
Не займаючы дзяржаўных пасад, яна нібыта ўмешвалася ў справы прэзідэнцкай адміністрацыі і атрымлівала выгаду, выкарыстоўваючы высокія сувязі. Абвінавачанні ў гэтай справе агулам выставілі супраць 30 чалавек, у тым ліку фактычнага кіраўніка карпарацыі Samsung Лі Чжэ Ена.
Апеляцыйны суд Паўднёвай Карэі нядаўна вызваліў яго з турмы. Суд вынес яму ўмоўны прысуд, зняўшы большую частку абвінавачванняў у хабарніцтве і карупцыі, якія летась прывялі да імпічменту былога прэзідэнта Паўднёвай Карэі Пак Кын Хе.
