Камандаванне ВПС ЗША апублікавала відэа разгрому наймітаў «Вагнера»

З заявы амерыканскіх вайскоўцаў, удары былі нанесеныя ў рамках самаабароны.

Амерыканскія вайскоўцы апублікавалі відэа ўдару міжнароднай кааліцыі па праўрадавых узброеных фармаваннях у Сірыі 7 лютага.

Кадры выклала ў сетку Цэнтральнае камандаванне ВПС ЗША у справах грамадскасці.

З заявы амерыканскіх вайскоўцаў, гэтыя ўдары былі нанесеныя ў рамках самаабароны.

На кадрах бачна, як авіяцыя знішчае спачатку танк Т-72, а затым наносіць удар па гармаце і дыслакаванаму разліку. Відавочна, ён загінуў. Таксама, у левым куце бачны грузавік «Урал».

Нагадаем, падчас удару ў Сірыі 7 лютага было забіта блізу200 чалавек.

У выніку налёту загінулі расейскія найміты - гэта пацвердзілі іх сваякі і знаёмыя. Загінулыя адправіліся ваяваць у Сірыю як найміты прыватнай вайсковай кампаніі «Вагнер».

Міністэрства абароны Расеі адмаўляе, што сярод загінулых ад авіяўдару ёсць расейцы.